^
^
^
^
^
^
^
^
^
^
^
^
^
^
^
^
النهاردة هنتكلم عن حاجة اكيد بتقابلنا كلنا او
على الاقل الكثير منا خصوصا الشباب الموضوع
مش قصة ماهو الا موقف يمكن ان يحدث ولكن
الذى يصعب حدوثه اجابات هذا الشخص
السعيد
نزل سعيد من بيتهم متشيك ع الاخر عشان يعمل
الانترفيو فى الصباح الباكر
وجاءت اللحظة الحاسمة فى اختياره للمقابلة مع
الميس هدى
ميس هدى : اهلا يافندم اتفضل اتسريح
سعيد : ثانك يو
ميس هدى : فى البداية احب اتعرف عليك
واتمنى اجاباتك تكون مبنية على الصراحة وعدم
الكذب اوك وانا افضل المقابلة تكون باللغة
العربية عشان من خلالها اقدر اتعرف على
شخصيتك وموروثك الثقافى خاصة فى المجال
اللى احنا بنعمل فيه وهو مجال الاتصالات
طبعا سعيد بيشاور براسه لتحت اكنه بيقول
حاضر ومبلم تبليمة سودا من الكلام السريع اللى
قالته وفجأة قالت
ميس هدى : اسم حضرتك ؟
سعيد : اسمى سعيد
ميس هدى : عظيم
سعيد : حلو ولا اغيره انا بقول اغيره
ميس هدى : نعم ؟؟؟؟؟ هوة انت جاى تغير
اسمك هنا لاخليك سعيد احسن طيب عمر
حضرتك ؟
سعيد : 23 سنة
ميس هدى : اوك ازاى عرفت بميعاد الانترفيو
ووالوظائف المطلوبة للشركة
سعيد : كنت شارى طعمية الصبح لاقيت الاعلان
جنب ساندوتش مرمى ع الارض
ميس هدى : عظيم نظرك قوى لمحت الاعلان من
بعيد
سعيد : لأ حضرتك انا لمحت الساندوتش فقلت
اتحقق من الموضوع انتى قلتى عدم الكذب صح
ميس هدى : اوك اوك
ميس هدى : هندردش مع بعض دردشة بسيطة
وكام سؤال بسيط
سعيد : اتفضلى
ميس هدى : من وجهة نظرك ايه الوسائل
المناسبة لتحقيق اعلى تسويق للمنتج
سعيد : الاعلانات
ميس هدى : عظيم
سعيد : بصى يافندم احنا نبهدل الدنيا اعلانات
ميس هدى : فعلا الاعلانات وسيلة جذب اثبتت
نجاحها فى تجارب كتيرة سابقة بس اى نوعية
اعلانات نقدمها غنائية مثلا
سعيد : لا احنا احسن حاجة نشتم فى
المنافسين نقعد ليل ونهار فى التليفزيون وكل
القنوات الفضائية نسب ونلعن فى اى منافس
لغاية مانخرب بيوتهم
ميس هدى : والله ده احنا اللى هيتخرب بيتنا
سعيد : مش عارف انتى طلبتى مشورتى وانا
قلتها
ميس هدى : ياريتنى ماطلبت
سعيد : لا ليه انا حضرتك واثق من نفسى
ميس هدى : وده ايه علاقته باللى احنا بنقوله
سعيد : لا ده مجرد تعريف بشخصيتى بس
ميس هدى : اوك اوك السؤال الثانى وركز ياريت
عميل رصيده خلص وهوة فى صحراء جرداء
وطلب من الخدمة عندنا نفتحله الخط تفتحله
الخط مباشرة ولا هتعمل ايه ؟
سعيد : والله يافندم هوة لو كان مزنوق اوى
نفتحله الخط والناس لبعضيها
ميس هدى : اييييييييه والشركة
سعيد : عندك حق طيب انا عندى رأى
ميس هدى : اتفضل
سعيد : انا اتصل بيه من تليفونى اعرف منه
تليفون اى واحد صاحبه واتصل بصاحبه وهوة
يتصل بيه وحلينا المشكلة
ميس هدى : والله حليت المشكلة !!! ليه هوة
حضرتك جاى هنا واسطة خير
سعيد : على فكرة حضرتك دمك خفيف جدا
ميس هدى : ده بعض ماعندكم ( بينها وبين
نفسها ايه الغباء ده انا ماشوفتوش قبل كده )
سعيد : ثانك يو
ميس هدى : بص فى الورقة اللى قدامك ده
لوووون ده ايه لووووون عبارة عن ايه اللون ده ؟
سعيد : فين اللون ده يافندم دى ورقة بيضا فيها
كلام بالانجليزى بالاسود هيا دى الالوان اللى فى
الورقة
ميس هدى : انت ليه غبى يا استاذ سعيد معلش
اصلى صريحة
سعيد : يمكن يكون لون القمر
ميس هدى : نعم !!!!!!
سعيد : طب لون الارض
ميس هدى بصوت عالى : ده لووووووووون ده ايه
لووووووووون بالعربى يعنى قرض
سعيد : واااااااو فيرى سورى معلش اصلى نايم
متأخر امبارح الواد شريف صاحبى جاللى متأخر
امبارح ومفرمت الهارد وعاوز ينقل بعض البرامج
وماكنش معاه شنمبر نزلت انا وهوة لاسماعيل
فووكها يمكن نلاقى عنده والوقت كان متأخر
ميس هدى : ايه فووكها ده ههههه
موضوع: شباب وبنات وانترفيوهات 
الخميس مارس 20, 2008 1:15 pm
